Saltar navegación

Nota sobre amplitude

 

 

Marxe superior e inferior

Unha vez máis pulsa enriba do rectángulo numérico e deslíza o cursor arriba e abaixo. Observa os cambios no osciloscopio. Se te fixas detidamente verás que pese á continua variación de imaxes que aparecen no gráfico estas atópanse sempre no mesmo marco, centradas no visor, deixando, digamos, marxes por arriba e por abaixo (coma se dun encabezamento e pé de páxina se tratara)

Esto sucede porque o parche que estamos empregando non permite modificar o volumen sonoro internamente (somentes podes aumentar ou disminuir o volumen fóra de PureData xirando directamente o rotor do altofalante). Este volumen interno do que estamos a falar, ven precisamente determinado pola distancia que se establece entre calesquera dos estremos da onda (o punto máis alto ou máis baixo, xusto onde a onda curva ben para baixar ou subir) e o punto que se atopa no xusto medio entre ambos (chamado punto medio ou de equilibrio). A esa distancia máxima chamámola amplitude. Coma neste parche esa distancia non varía, o volumen é estable.

 

Escala de amplitude en PureData

En PureData empregamos unha escala de amplitude que vai de -1 a 1. Esta escala define a distancia máxima que pode recorrer a membrana do noso altofalante. Esto significa que a membrana físicamente non se pode estirar máis aló de -1 cara atrás ou 1 cara adiante sen cascar. Esta escala [-1 a 1] correspóndese coa ventá do osciloscopio. Mais coma xa comentamos este parche está deseñado de xeito que deixa un marxe de volume por defecto. É coma se lle colocaran un limitador de volume para non molestar ós veciños. Pero non te fíes comprobao por ti mesmo. Abre Meu.Primeiro.Son(inside). Xusto antes da saída [dac] está o limitador. Divide o sinal (está ben, en realidade multiplicao por 0.5). Así a nosa onda móvese entre 0.5 e -0.5, deixando as marxes superior e inferior que antes mencionáramos. Se queres escoitalo con toda a potencia de volume posible só tes que eliminar este limitador e conectar directamente o obxeto osc~ a dac~

E aquí remata este breve inciso sobre amplitudes. Continuaremos falando dela noutra entrada.