Galego Español English

Presentación

Colectivo flexible que integra solistas de importante traxectoria no ámbito da música contemporánea en Galicia, Vertixe Sonora Ensemble favorece un espazo aberto á reflexión, discusión e intercambio na música contemporánea. Está formado por artistas sonoros, artistas plásticos, músicos de jazz, intérpretes clásicos e xente do teatro e a danza cunha común vontade por desenvolver propostas musicais cunha perspectiva artística global que atopan na procura da excelencia artística e no forte compromiso coa música e os creadores do noso tempo a súa razón de ser.

Xurde co afán de manter unha estructura estable de encomendas, favorecer a creación de produccións musicais de actualidade e dinamizar o espectro sonoro contemporáneo desde o vértice peninsular dun xeito que resulte significativo nunha perspectiva internacional.

A partires dunha conciencia da multiplicidade no achegamento ó sonoro establece un constante diálogo e interacción co pensamento, a ciencia, a tecnoloxía e outras formas artísticas da contemporaneidade desde unha óptica cosmopolita, integradora e transcultural que non renuncia nin ó rigor, nin á transgresión nin ó espíritu de
vangarda.

Son membros de Vertixe Sonora Ensemble:

Monika Streitova, Clara Saleiro flautas / Xocas Meijide, Felipe Agell clarinete / Avelino Ferreira, Feliciano Carbonell oboe / Jesús Coello fagot / Pablo Coello saxofón / Alejandro Vázquez trompeta / Benxamín Iglesias trompa / Iago Ríos trombón / Celia Adrián, Vazdim Yukhnevich acordeón / Angélica Vázquez arpa / Roberto Alonso, Mario Peris, Marta Souto violín /Anne Schlossmacher viola /Criptana Angulo, Ailsa Lewin, Thomas Piel cello / Carlos Méndez contrabajo / Rubén Barros guitarra eléctrica / David Durán, Haruna Takebe piano / Diego Ventoso percusión / Ángel Faraldo electrónica

Dirección Artística – Ramón Souto
Dirección Musical – Pablo Coello
Programación – Mateu Malondra, Xoan-Xil López, Ignacio Barcia, David Durán, Diego Ventoso
Administración – Blanca Viñas
Comunicación – Jesús Coello, Iria Lis
Instituto Galego de Sonoloxía, IGAS – Ángel Faraldo, Emilio Lede, Mateo Mena, Xoan-Xil López, Ignacio Barcia.
Audio – Miguel Novas (Radio Galega)
Vídeo – Manuel del Río